ბიუჯეტი: 130 000 ლარი ხანგრძლივობა: მაისი 2023 - ნოემბერი 2023 დონორი/პარტნიორი: ფრიდრიხ ოებერტის ფონდი, ოლოფ პალმეს საერთაშორისო ცენტრი. პროექტის მიზანი: საქართველოს მოსახლეობაში, კერძოდ ახალგაზრდებში, პროგრესული პოლიტიკის დღისწესრიგის პოპულარიზაცია. პროგრესული იდეების სკოლა წარმოადგენს პროგრესული ფორუმის ყველაზე ხანგრძლივ პროექტს, რომელიც ხორციელდება ყოველწლიურად 2014 წლიდან. 2023 წელს, სკოლის ფარგლებში განხორციელდა ორი სასემინარო მოდული: სოციალ-დემოკრატიის საფუძვლები; ფემინიზმი და ქალთა მოძრაობები. სოციალ-დემოკრატიის საფუძვლები საბაზისო მოდულის მიზანია ახალგაზრდებში სოციალ-დემოკრატიული იდეების პოპულარიზაცია, ასევე მათი ცნობიერების ამაღლება სხვადასხვა პოლიტიკური იდეოლოგიებისა და სოციალურ-ეკონომიკური პოლიტიკების შესახებ. მოდული მოიცავს შემდეგ თემატიკას: სოციალ-დემოკრატიის ღირებულებები და სხვა პოლიტიკური იდეოლოგიები; სოციალური და ეკონომიკური პოლიტიკის ძირითადი პრინციპები; სოციალ-დემოკრატიის ისტორია საქართველოსა და მსოფლიოში; არჩევითი მოდულები: ფემინისტური პოლიტიკა, შრომის პოლიტიკა, მწვანე პოლიტიკა. საბაზისო მოდულის სემინარები ტარდება ყოველწლიურად, გაზაფხულსა და შემოდგომაზე, ფრიდრიხ ებერტის ფონდის მხარდაჭერით. ფემინიზმი და ქალთა მოძრაობები მოდულის მიზანია ქალთა უფლებების მხარდაჭერა შემდეგ საკითხებზე სემინარის მონაწილეების ცნობიერების ამაღლების გზით: ქალთა მოძრაობების ისტორია; ფემინიზმი და განსხვავება მემარცხენე და ლიბერალურ ფემინიზმს შორის; ფემინისტური-სოციალური და ეკონომიკური პოლიტიკა; თანამედროვე ფემინიზმის დღის წესრიგი; ფემინისტური პოლიტიკა საქართველოში. ფემინიზმი და ქალთა მოძრაობების მოდულის ფარგლებში სემინარები ტარდება ოლოფ პალმეს საერთაშორისო ცენტრთან თანამშრომლობით. პროგრესული იდეების სკოლის ფარგლებში სესემინარო პროცესი დატვირთულია პრაქტიკული აქტივობებით. სამუშაო პროცესი მოიცავს დისკუსიებს, ინტერაქციულ სავარჯიშოებსა და სიმულაციურ თამაშებს, რომლებიც მონაწილეებს ეხმარება უკეთ გამოხატონ საკუთარი აზრი და აითვისონ მიღებული ცოდნა. თითოეული სემინარი ფასდება როგორც პროექტის გუნდის, ასევე მონაწილეების მხრიდან. შეფასებების საფუძველზე იგეგმება შესაბამისი ცვლილებები. სკოლაში მონაწილეობისთვის ახალგაზრდები შეირჩევიან ღია კონკურსის საფუძველზე.

კვლევა მიზნად ისახავს შრომის უფლებების და შრომის უსაფრთხოების დაცვის კუთხით ქვეყანაში არსებული მდგომარეობის შეფასებასა და გამოწვევების იდენტიფიცირებას. კვლევამ მოიცვა როგორც მოქმედი საკანონმდებლობის შედარებითი ანალიზი შრომის საერთაშორისო სტანდარტებთან, ასევე სამაგიდო კვლევისა და ჩაღრმავებული ინტერვიუების ანალიზის საფუძველზე განხორციელდა არსებული გამოწვევების იდენტიფიცირება.