საიტი მუშაობს სატესტო რეჟიმში
Progressive forum
Progressive school
პროექტები
პროგრესული ფორუმის პოდკასტი
2024 წლიდან “პროგრესულმა ფორუმმა” წამოიწყო ახალი ინიციატივა — პროგრესული ფორუმის პოდკასტი, რომელიც საზოგადოებას სთავაზობს სიღრმისეულ დისკუსიებს სოციალურ-ეკონომიკურ საკითხებზე.
პოდკასტი გადაიცემა ფორუმის იუთუბის არხზე და მოწვეულ სტუმრებთან ერთად, პროგრესული ფორუმის მკვლევრები გვთავაზობენ დისკუსიებს შრომითი უფლებების, სოციალური და გარემოსდაცვითი პროტესტის, მედიის პასუხისმგებლობუს, ეკონომიკური ტრანსფორმაციისა თუ სხვა მნიშვნელოვანი საკითხების შესახებ. 
პოდკასტის ერთ-ერთი პირველი პროექტი იყო წინასაარჩევნო სერია, რომლის ფარგლებშიც, 2024 წელს ფორუმმა მოიწვია არჩევნებში მონაწილე პოლიტიკური პარტიების წარმომადგენლები მათ წინასაარჩევნო პროგრამაში სოციალური და ეკონომიკური საკითხების შესახებ დისკუსიისთვის. 
პროგრესული იდეების სკოლა
პროგრესული იდეების სკოლა წარმოადგენს პროგრესული ფორუმის ყველაზე ხანგრძლივ პროექტს, რომელიც ხორციელდება ყოველწლიურად 2014 წლიდან.
დონორი/პარტნიორი: ფრიდრიხ ოებერტის ფონდი, ოლოფ პალმეს საერთაშორისო ცენტრი.
პროექტის მიზანი: საქართველოს მოსახლეობაში, კერძოდ ახალგაზრდებში, პროგრესული პოლიტიკის დღისწესრიგის პოპულარიზაცია.
ბოლო წლებში, სკოლის ფარგლებში, ძირითადად, ხორციელდება ორი სასემინარო მოდული:
სოციალ-დემოკრატიის საფუძვლები;
ფემინიზმი და ქალთა მოძრაობები. 
საბაზისო მოდულის მიზანია ახალგაზრდებში სოციალ-დემოკრატიული იდეების პოპულარიზაცია, ასევე მათი ცნობიერების ამაღლება სხვადასხვა პოლიტიკური იდეოლოგიებისა და სოციალურ-ეკონომიკური პოლიტიკების შესახებ. მოდული მოიცავს შემდეგ თემატიკას:
სოციალ-დემოკრატიის ღირებულებები და სხვა პოლიტიკური იდეოლოგიები;
სოციალური და ეკონომიკური პოლიტიკის ძირითადი პრინციპები;
სოციალ-დემოკრატიის ისტორია საქართველოსა და მსოფლიოში;
არჩევითი მოდულები: ფემინისტური პოლიტიკა, შრომის პოლიტიკა, მწვანე პოლიტიკა.
საბაზისო მოდულის სემინარები ტარდება ყოველწლიურად, გაზაფხულსა და შემოდგომაზე, ფრიდრიხ ებერტის ფონდის მხარდაჭერით.
ფემინიზმი და ქალთა მოძრაობები
მოდულის მიზანია ქალთა უფლებების მხარდაჭერა შემდეგ საკითხებზე სემინარის მონაწილეების ცნობიერების ამაღლების გზით:
ქალთა მოძრაობების ისტორია;
ფემინიზმი და განსხვავება მემარცხენე და ლიბერალურ ფემინიზმს შორის;
ფემინისტური-სოციალური და ეკონომიკური პოლიტიკა;
თანამედროვე ფემინიზმის დღის წესრიგი;
ფემინისტური პოლიტიკა საქართველოში.
ფემინიზმი და ქალთა მოძრაობების მოდულის ფარგლებში სემინარები ტარდება ოლოფ პალმეს საერთაშორისო ცენტრთან თანამშრომლობით.
პროგრესული იდეების სკოლის ფარგლებში სესემინარო პროცესი დატვირთულია პრაქტიკული აქტივობებით. სამუშაო პროცესი მოიცავს დისკუსიებს, ინტერაქციულ სავარჯიშოებსა და სიმულაციურ თამაშებს, რომლებიც მონაწილეებს ეხმარება უკეთ გამოხატონ საკუთარი აზრი და აითვისონ მიღებული ცოდნა. თითოეული სემინარი ფასდება როგორც პროექტის გუნდის, ასევე მონაწილეების მხრიდან. შეფასებების საფუძველზე იგეგმება შესაბამისი ცვლილებები.
სკოლაში მონაწილეობისთვის ახალგაზრდები შეირჩევიან ღია კონკურსის საფუძველზე. 
მეტი ინფორმაციისთვის ეწვიეთ:
პროგრესული იდეების სკოლის ვებგვერდს
პროგრესული იდეების სკოლის ფეისბუკის გვერდს  
პროგრესული იდეების სკოლის ინსტაგრამს 
პროგრესული იდეების სკოლის ტიკტოკს
 
შრომის ლექსიკონი
პროგრესულმა ფორუმმა, ცნობიერების ამაღლების მიზნით ჩაატარა კამპანია „შრომის ლექსიკონი“. კამპანიის მიზანი იყო განახლებული შრომის კოდექსის შესახებ ინფორმაციის გავრცელება, დასაქმებულთათვის და დამსაქმებელთათვის შრომის კოდექსში შეტანილი ცვლილებების შესახებ ცნობიერების ამაღლება.
შრომის ლექსიკონი განმარტავს შრომით უფლებებთან დაკავშირებულ ტერმინებს, რომელიც საქართველოს ახალი შრომის კოდექსითაა გათვალისწინებული.  
კამპანიის მიზანი ასევე იყო შრომის ინსპექციის საქმიანობისა და როლის შესახებ ინფორმაციის გავრცელება და ხელი შეუწყო შრომით კულტურაში ახალი სტანდარტების დამკვიდრებას. 
შრომის ლექსიკონი მომზადდა შემდეგი დონორებისა და ორგანიზაციების მხარდაჭერით და მათთან პარტნიორობით: USAID, PROLoG, Friedrich Ebert Stiftung, Norwegian Embassy, Solidarity Center. შრომის ინსპექცია, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო.
რელევანტური ბმულები:  
შრომის ლექსიკონი • Labour Dictionary
შრომის ლექსიკონი" | რა უნდა ვიცოდეთ შრომითი უფლებების შესახებ
შრომის რეფორმა | რა შეიცვალა და რა რჩება პრობლემად
